Inger Ingvardsen Pointer A/S-imi siulersortaaavoq. Suliffeqarfimmi nersorniarneqartartumi Search & Selection suliffeqarfinni sulisimanerminit aqutsisutut siunnersuisartutullu siammasissumik misilittagaqarpoq, taavalu danskit suliffeqarfiutaat – tassa pisortat taamatuttaarlu namminersortut susassaqarfiini – pisortanik, atorfillit qullersaannik, suleqatigiinni aqutsisunik aammalu immikkut ilisimasalinnik pikkorilluinnartunik, ukiuni 20-nit sinnilinni, pilersorsimagamigit.

Suleqatigiinni aqutsisisunut immikkullu ilisimasalinnut Danmarkimi piginnaaneqarnerpaanut Inger attaveqarpoq, attaveqarneralu ingerlalluartuuvoq aaqqissuussaalluarlunilu. Taanna siusinnerusukkut IT-mut niuertarfeqarnermullu tunngasunik suliaqarsimavoq CBS-imilu cand.merc-itut ilinniarsimalluni.